«Қуантайын деп едім...» қайырымдылық акциясы

«Құрық орта мектеп – гимназиясы» коммуналдық мемлекеттік мекемесінде 2020-2021 оқу жылының желтоқсан айында жүргізілген «Қуантайын деп едім...» қайырымдылық акциясы аясында мектебіміздің қайырымды бірлестіктері мен ұлағатты ұстаздары және ауылымыздың беделді мекемелері мен ерікті қамқоршыларымыздың атсалысуымен әлеументтік қажеттіліктегі бірнеше оқушылар Жаңа жылдық тәтті сыйлықтармен қамтамасыз етілді.

Мектептің әлеуметтік педагогімен бірге, ерікті жастары Аяз ата мен Ақшақары оқушыларымыздың үйлеріне сыйлықтарды жеткізіп, бала қуанышының куәгері болды.

Атап айтсақ, мектептің қамқоршылық демеушілік есеп шотындағы қаражаттан 31 оқушыға тәтті, жоғары сынып мұғалімдері 20 оқушыға, дене шынықтыру мұғалімдері 10 оқушыға, қазақ тілі, әдебиеті пәні мұғалімдері 19 оқушыға, бастауыш сынып мұғалімдері 7 оқушыға тәтті сыйлықтарын тарту етіп, балаларымызды қуантты.

Сонымен бірге осы қайырымдылық акциясына ат салысқан ауылымыздағы «Аудандық білім беру бөлімі» ерекше білімді қажет ететін 7 оқушыны және үйден оқитын 4 оқушы, «Қарақия аудандық құрылыс, сәулет және қалақұрылысы бөлімі» мекемесі тарапынан 3 оқушы, «Қарақия аудандық ауыл шаруашылық бөлімі» мекемесі тарапынан 10 оқушы және Saxinvest инвестициялық мекемесінің партнерлары Ринат Абдуллин мырза мен Айгүл Долуқызы 15 оқушыға тәтті сыйлықтарын жолдады.

Осы сәтте «Қайырымды қол бата берген ауыздан артық»-демекші қайырымдылық жасап, демеушілік көрсеткен мекеме қызметкерлеріне «Құрық орта мектеп-гимназиясы» мемлекеттік мекемесі мектебіміздің атынан Үлкен алғыс айтамыз. Мектебіміздің «Қамқоршылық кеңесі» де бұл акцияда ұйымдастыру жұмыстарында белсенділік танытты. Жұмыстарыңызға табыс, атқарып жатқан қызметіңізге береке, ізгілік жолындағы игі істеріңізге сәттілік тілейміз. Жаңа жыл әр-біріңіздің шаңырағыңызға жақсылық, қуаныш, ырыс әкелсін!

2021 жылы жаңа бастамаларыңыз көп болсын!