Мәңгілік елім - Қазақстаным!

"Мәңгілік елім - Қазақстаным!" атауымен "Құрық орта мектеп - гимназиясында" мерекелік сазды бағдарламасы өтті.
Тәуелсіздігімізге 28 жыл толуына орай ұйымдастырылған шараға мектеп ұстаздары мен оқушылары қатысып, күміс көмей әншілерімізбен оқушыларымыздың өнеріне куә болды.

Мерекелік бағдарламаны мектебіміздің директоры Гүлмира Сәбитқызы ашып беріп, " -Еліміз тәуелсіздіктің бесігінде тербелгелі 28 жыл. Жиырма сегіз жыл ішінде Қазақстан етек-жеңін жиып, шекарасын бекітіп, өз алдына дербес зайырлы ел болды. Бұл атадан келе жатқан ұлы жеңістің жемісі. 1991 жылы 16 желтоқсанда егемендігін алған еліміздің өз президенті, ұлты мен ұлысы, салты мен дәстүрі, мәдениеті мен экономикасы болды. Желтоқсанның желі мен ызғарына қарсы тұрған жастардың жалынды рухы мен ерліктерінің арқасында шаңырағы биік, керегесі кең мемлекет болып қалыптастық, - деп атаулы күннің тарихына тоқталды.

Сондай-ақ шарада облыстық, республикалық, халықаралық деңгейде танылып үлгерген мектебіміздің оқушылары: Кеңесова Үмітжан мен Сансызбай Балауса ән айтып, кішкентай бүлдіршіндерден құралған "Томирис" бишілері өнер көрсетті.